ԱՄՆ փոխնախագահ Ջեյ Դի Վենսն ասել է, որ եվրոպական երկրները վտանգում են «քաղաքակրթական ինքնասպանություն գործել»՝ չկարողանալով վերահսկել իրենց սահմանները և սահմանափակելով քաղաքացիների խոսքի ազատությունը։ Այս մասին նա հայտարարել է Fox News-ին տված հարցազրույցում։
«Եվրոպային սպառնում է քաղաքակրթական ինքնասպանություն, նրանք կա՛մ չեն կարողանում, կա՛մ չեն ցանկանում վերահսկել իրենց սահմանները, այն, ինչ մենք հիմա տեսնում ենք, դիմակայելու նրանց փորձերը, լավ է, դա ճիշտ քայլ է։
Բայց դուք նաև տեսնում եք, որ նրանք սկսում են սահմանափակել իրենց քաղաքացիների խոսքի ազատությունը, նույնիսկ երբ այդ քաղաքացիները բողոքում են սահմանային ներխուժումների դեմ: Հենց այս բողոքի տրամադրություններն էին, որ հանգեցրին Դոնալդ Թրամփի և մի շարք եվրոպացի առաջնորդների ընտրությանը», - նշել է Վենսը:
Նրա խոսքով՝ բաց սահմանների քաղաքականությունն ու քաղաքացիների իրավունքների սահմանափակումը լուրջ խնդիր են դառնում եվրոպական երկրների համար։