Ռուս սուպերմոդել Իրինա Շեյքին կրկին նկատել են հոլիվուդյան դերասան Լեոնարդո Դի Կապրիոյի ընկերակցությամբ։ Հաղորդում է Page Six-ը։

Իրինա Շեյքը և Լեոնարդո Դի Կապրիոն ներկա են եղել երաժիշտ Ֆրենկ Օուշենի համերգին։ Տեղադրված կադրերում երևում է, թե ինչպես են աստղերը լսում արտիստի երաժշտությունը և պարում միջոցառման այլ հյուրերի հետ։

Նախորդ շաբաթ նույնպես Իրինա Շեյքին նկատել էին Coachella փառատոնում՝ Լեոնարդո Դի Կապրիոյի հետ։ Մոդելը և հոլիվուդյան աստղը ներկա են գտնվել Levi and Tequila Don Julio's Neon Carnival կոչվող միջոցառմանը: Նրանք ապրիլի 16-ի վաղ առավոտյան, հեռացել են երեկույթից։