ԱՄՆ նախագահ Դոնալդ Թրամփը ասել է, որ փետրվարի 10-ին կհայտարարի պողպատի և ալյումինի համար 25% մաքսատուրքեր սահմանելու մասին, գրել են ԶԼՄ-ները։
«Ցանկացած պողպատ, որը մտնի Միացյալ Նահանգներ, կենթարկվի 25 տոկոս մաքսատուրքի», - ասել է նա՝ հավելելով, որ «ալյումինը նույնպես ենթարկվելու է դրան»։
Նա մանրամասնել է, որ մաքսատուրքերը կազդեն բոլոր երկրներից մետաղների ներկրման վրա, սակայն չի նշել դրանց ուժի մեջ մտնելու ստույգ ժամկետը։
Թրամփը նաև հաստատել է, որ երեքշաբթի կամ չորեքշաբթի օրը կհայտարարի «փոխադարձ մաքսատուրքերի մասին»։ Խնդիրն այն է, որ Միացյալ Նահանգները ներմուծման մաքսատուրքեր կսահմանի այն դեպքերում, երբ մեկ այլ երկիր մաքսատուրքեր կսահմանի ամերիկյան ապրանքների վրա։
«Եթե մեզանից վերցնեն 130 տոկոսը, իսկ մենք նրանցից ոչինչ չխլենք, դա չի կարող շարունակվել»,- ասել է նա։