«Հայաստան» խմբակցության քարտուղար Արծվիկ Մինասյանն ու նույն խմբակցության պատգամավոր Արթուր Խաչատրյանը, խորհրդարանում ճեպազրույցների ժամին նախ անդրադարձան ԱԺ-ում շաբաթվա կարևոր իրադարձություններին։
«Բյուջեն հաշվապահություն չէ, դեբետ-կրեդիտ, բյուջեն քաղաքականություն է»,- այսպես սկսեց Արթուր Խաչատրյանը` անդրադառնալով պետական բյուջեի նախագծի քննարկմանը:
Նա նշեց, որ այն ոլորտը, որն ավելի մեծ նշանակություն ունի կառավարության համար, ավելի շատ գումար է ստանում, կամ այդ գումարի աճն ավելի մեծ է լինում։
«Եվ մենք տեսնում ենք, որ 16 տոկոս բյուջեի աճի պայմաններում պաշտպանության նախարարությունը պաշտպանական ծախսերի դիմաց ստանում է ընդամենը 7 տոկոսի աճ, ռազմաարդյունաբերությունը՝ 1 մլրդ-ով նվազում է, փոխարենը՝ ոստիկանության բյուջեի աճը կազմում է 18 տոկոս»,- ասաց նա։
Մյուս կարևոր իրադարձությունն, ըստ ընդդիմադիր պատգամավորի, Եվրանեսթի կոմիտեների համատեղ նիստն էր Բրյուսելում։
«Մեր քաղաքական կոմիտեում ներկայացված էր փաստաթուղթ, համազեկուցողների ներկայացրած նախագծում, իհարկե, հիմնականում ռուս-ուկրաինական պատերազմն էր, բայց 2 անգամ նշում կար նաև Արցախի Հանրապետության՝ «Լեռնային Ղարաբաղի համակամարտության» չկարգավորված լինելու մասին։ Երբ դրա մասին խոսում էինք մենք՝ ԱԺ պատվիրակները, ընդդիմությունը և Եվրախորհրդարանի պատվիրակները։ Հստակ ընդգծվում էր, որ Լեռնային Ղարաբաղում կայուն խաղաղություն հաստատված չէ, ադրբեջանցի պատվիրակները հակադարձում էին Նիկոլ Փաշինյանի խոսքերով»,- ասաց նա։
Մանրամասները՝ տեսանյութում