Արխիվային լուսանկար
Պատերազմի երրորդ տարեդարձի կապակցությամբ G7-ի երկրների հայտարարության մեջ ԱՄՆ-ը հանել է բոլոր այն ձևակերպումները, որոնք կարող էին մեկնաբանվել որպես ուկրաինամետ՝ խաղաղ բանակցությունները չխաթարելու համար:
Այս մասին հայտնել է «New York Times»-ը՝ հղում անելով աղբյուրներին։
Հրատարակության տվյալներով՝ Ռուսաստանին դատապարտող հայտարարությունը գրել է Կանադան, որը ներկայումս նախագահում է խմբավորումը։
Սակայն ամերիկացիները որոշել են այն ավելի չեզոք ու կարճ դարձնել՝ պայմանավորված Ռուսաստանի Դաշնության հետ բանակցություններով։ Փաստաթղթում, որի վրա դեռ աշխատանքներ են տարվում, խոսվում է «ավերիչ պատերազմի մասին, որը սկսվել է Ուկրաինա Ռուսաստանի ներխուժմամբ», սակայն չի օգտագործվում «ռուսական ագրեսիա» կամ «ագրեսոր»։