Հնդկաստանում փրկարարները մոտ 1 շաբաթ փորձում են փրկել Ռաջաստան նահանգի հյուսիս-արևմուտքում ջրհորն ընկած աղջկան:
Ջրհորն ընկած 3-ամյա Չետնային փրկելու գործողությունը շարունակվում է, արդեն վեցերորդ օրն է, գրել են ԶԼՄ-ները։
Նշվում է, որ մոտ 1 շաբաթ առաջ աղջիկը հայտնվել է 45 մետր գետնի տակ՝ ավելի քան 200 մետր խորությամբ ջրհորում։ Երեխան մոտ 130 ժամ մնացել է առանց սննդի, և հինգ օր է, շարժման նշաններ չի ցուցաբերել։
Հրատարակության տվյալներով՝ փրկարարական աշխատանքները հասել են եզրափակիչ փուլ, նրանց հաջողվել է փորել գետինն ավելի քան 50 մետր, փրկարարները փորձում են թունել ստեղծել դեպի այն ջրհորը, որտեղ աղջիկն է։