Կրեմլը չի կարող միջամտել կորպորատիվ և ընտանեկան գործերին, ասել է ՌԴ նախագահի մամուլի քարտուղար Դմիտրի Պեսկովը՝ անդրադառնալով Wildberries-ի և Russ-ի միաձուլման հետ կապված իրավիճակին։
«Այս դեպքում մենք չենք կարող խառնվել ոչ մի ներքին հարաբերությունների, առավել ևս՝ գործնական հարաբերությունների: Սրան միայն կարելի է աջակցել: Մենք չենք կարող միջամտել ոչ այս գործողություններին, ոչ էլ ընտանեկան հարաբերություններին»,- ասաց նա լրագրողներին՝ պատասխանելով հարցին, թե արդյոք Պուտինն իսկապես հավանություն է տվել միաձուլմանը, և արդյոք Կադիրովի հայտարարությունը կազդի այս ծրագրի վրա։
Հիշեցնենք, որ ավելի վաղ Չեչնիայի ղեկավար Ռամզան Կադիրովը հանդիպել էր Վլադիսլավ Բակալչուկին և հայտնել, որ հանձնարարել է Պետդումայի պատգամավոր Ադամ Դելիմխանովին ուսումնասիրել «Wildberries»-ի «Russ» խմբի հետ միաձուլման հետ կապված իրավիճակը: