Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

Սևան-Երևան մայրուղու վրա մեծ խցանում է. ո՞վ է պատճառը

Blog Image

Այս պահին Սևան-Երևան մայրուղու վրա խցանում է: Դեպի մայրաքաղաք ուղղության վրա ավտոմեքենաները շարժվում են 10-20կմ/ժ արագությամբ:

MediaHub-ին ահազանգած քաղաքացին պատմեց, որ իրենց մեքենան մոտ տաս րոպե պարեկները թույլ չեն տվել, որ դուրս գա Սևան քաղաքից մայրուղի, որովհետև այդ պահին պետական պաշտոնյայի ավտոշարասյուն էր անցնում և շարքային մահկանացուները, թերևս, կխոչընդոտեին այդ պաշտոնյայի մեքենայի ընթացքը:

Քաղաքացին նշեց, որ վստահ է՝ Նիկոլ Փաշինյանի պատճառով է այս սարսափելի խցանումը, որովհետև՝ "դե այդքան շատ թիկնապահներով ավտոշարասյուն միայն Փաշինյանը կունենա":

"Ժողվարչապետը վախենում է մեր հարևանությամբ անգամ ավտոյով երթևեկել: Մենք էլ ուշանում ենք, բա կարելի՞ է սենց բան անել",- վրդովվեց մեր զրուցակիցը:

Նա նաև ավելացրեց, որ լավ կլիներ, որ առավոտ շուտ Երևան վերադարձող վարչապետը, որը մի քանի ժամից Կառավարության նիստ է վարելու, դրա ընթացքում անդրադառնա նաև ճանապարհների անմխիթար վիճակին՝ մայրուղիները պատված են մերկասառույցով ու ոչ միայն իր պատճառով են մարդիկ ժամերով մնում խցանման մեջ, այլ որովհետև ճանապարհները ձնից մաքրող չկա:

Send