Առնվազն 9 մարդ է զոհվել Պակիստանի Սինդ նահանգում բեռնատարի և մարդատար ավտոբուսի վթարի հետևանքով. հայտնում է Geo հեռուստաալիքը։

Միջադեպը տեղի է ունեցել երեքշաբթի օրը նահանգի հարավային մասում գտնվող Թաթտա քաղաքի Չալիա շրջանում։

Բեռնատարի և մարդատար ավտոբուսի ճակատային բախման հետևանքով ութ մարդ տեղում մահացել է, ևս մեկը հիվանդանոցում։

Ոստիկանությունը հայտնել է, որ բեռնատարի վարորդը դեպքի վայրից դիմել է փախուստի։ 

Միջազգային անցուդարձին ավելի արագ հետևելու համար՝ MediaHub.world