Հաճախ սննդակարգում անառողջ մթերքների ընդգրկումն ու նստակյաց կենսակերպը կարող են հանգեցնել տարբեր առողջական խնդիրների։ Խոսքը, մասնավորապես, փքվածության, ծանրության զգացման մասին է։
Օրգանիզմի համար հնարավոր հետեւանքներից խուսափելու համար կարելի է դիմել ավանդական բժշկության։ Որոշ բնական բաղադրիչներ օգնում են բարելավել մարսողական համակարգի աշխատանքը և նվազեցնել աղիներում գազերի կուտակումը:
1. Մաղադանոս. Այս բանջարեղենն օժտված է կարմինացնող հատկությամբ և օգնում է ազատվել փքվածությունից։ Ապրանքը առավել օգտակար է որպես խմիչքի հիմնական բաղադրիչ: Դրա համար մի բաժակ եռման ջրին ավելացրեք երկու ճաշի գդալ մաղադանոս։ Արգանակը 10 րոպե թրմելուց հետո պետք է ստացված հեղուկը քամել և խմել ուտելուց առաջ. հայտնում է sibkray.ru-ն։
2. Կոճապղպեղով թեյ. Տաք ըմպելիքը նաև օգնում է թեթևացնել փքվածությունը և բարելավել մարսողությունը: Խորհուրդ է տրվում թարմ կոճապղպեղի մի փոքր կտոր կտրատել և ավելացնել մի գավաթ եռացրած ջրի մեջ։ Ինչպես մաղադանոսի թուրմով, ըմպելիքը պետք է եփվի 10-15 րոպե: Քամելուց հետո թեյն անհրաժեշտ է օգտագործել հիմնական կերակուրից առաջ։
3. Սամիթ. Այս բույսը կարելի է օգտագործել որպես ճաշատեսակների հավելում և նաև թեյի տեսքով։ Այն ունի հակասպազմոդիկ հատկություն և նվազեցնում է աղիներում գազերի առաջացումը: