Իսրայելի ամենամեծ գազային հանքավայրի՝ «Լեւիաթանի» օպերատորը Եգիպտոսին բնական գազ մատակարարելու մինչև 35 միլիարդ դոլարի հասնող պայմանագիր է կնքել:

Սա երկրի պատմության մեջ ամենամեծ արտահանման գործարքն է, «Reuters»-ին հայտնել են նախագծի գործընկերները։

Պայմանագրի համաձայն՝ Իսրայելը մինչև 2040 թվականը Միջերկրական ծովում «Լեւիաթան» հանքավայրից Եգիպտոս կուղարկի մոտ 130 միլիարդ խորանարդ մետր գազ: Դրա պաշարները գնահատվում են մոտ 600 միլիարդ խորանարդ մետր: