Հունիսի 30-ին ՀՅԴ Հայ դատի Եվրոպայի գրասենյակի պատասխանատու Գասպար Կարապետյանի հետ Բրյուսելում հանդիպել ենք Եվրոպայի սոցիալիստների կուսակցության գլխավոր քարտուղարի տեղակալ Յանեկ Պոլեյի հետ։
Քննարկված հարցերի շրջանակն ընդգրկել է Հայաստանի ներքին ու արտաքին մարտահրավերներին, Հայաստանի իշխանությունների կողմից սանձազերծված հակաժողովրդավարական գործողությունների նոր ալիքին, տարածաշրջանային քաղաքական գործընթացներին և դրանց հիմնական միտումներին վերաբերող հարցեր։
Պարոն Պոլեյի ուշադրությունն եմ հրավիրել Ադրբեջանի կողմից թշնամական քաղաքականության դրսևորումներին. հայ գերիների ապօրինի պատանդառություն ու կեղծ դատավարություններ, Հայաստանի ինքնիշխան տարածքների բռնազավթում, Հայաստանին ներկայացվող բազմաթիվ, այդ թվում` տարածքային պահանջներ։
Նկատի ունենալով համաեվրոպական խոշոր այս կուսակցության հետ ՀՅ Դաշնակցության սերտ գործընկերության շարունակական բնույթը՝ նախանշվել են առաջիկա համագործակցության նոր ուղղություններ։
ՀՅԴ ներկայացուցիչ, պատգամավոր Իշխան Սաղաթելյան