Մեքսիկայի Սան Պեդրո Ուամելուլայում քաղաքապետ Դանիել Գուտիերեսը խորհրդանշական ամուսնության մեջ է մտել փոքրիկ կոկորդիլոսի՝ կայմանի հետ։
Գուտիերեսն ամուսնացել է սողունի հետ, որին տեղացիները անվանում են «փոքրիկ արքայադուստր», գրել են ԶԼՄ-ները։
Արարողությունից առաջ սպիտակ հարսանեկան զգեստով կայմանին տարել են փողոցներով։ Սողունին տարել են տներ, և բնակիչները պարել են։
Տեղական համոզմունքների համաձայն՝ կոկորդիլոսը համարվում է Մայր Երկիրը մարմնավորող աստվածություն։ Համապատասխանաբար, «ցեղի առաջնորդի» հետ ամուսնությունը խորհրդանշում է աստվածների աշխարհի և մարդկանց աշխարհի միությունը։ Ծեսը ավելի քան 230 տարեկան է, տեղի բնակիչները մինչ օրս հավատում են, որ այս միությունը բերում է բարգավաճում, լավ բերք և առատ որս։
Տեսանյութն այստեղ