Ռիադում ԱՄՆ-Ռուսաստան հանդիպման նպատակը վստահության բարձրացումն էր, լրագրողներին ասել է ՌԴ նախագահ Վլադիմիր Պուտինը։
«Առանց Ռուսաստանի և ԱՄՆ-ի միջև վստահության մակարդակի բարձրացման անհնար է կարգավորել ուկրաինական ճգնաժամը»,- պարզաբանել է Պուտինը։
Նա ընդգծել է, որ Ռուսաստանը երբեք չի հրաժարվել Եվրոպայի կամ Ուկրաինայի հետ երկխոսությունից, և որ եվրոպացիներն իրենք են դադարեցրել շփումները Մոսկվայի հետ, իսկ Կիեւն ինքն իրեն է նույնիսկ արգելել բանակցել Ռուսաստանի հետ։
Պուտինն ասել է, որ հաճույքով կհանդիպի Թրամփի հետ, բայց հանդիպումը պետք է նախապատրաստել։
Պուտինը շնորհակալություն է հայտնել Սաուդյան Արաբիայի ղեկավարությանը Ռուսաստանի և ԱՄՆ-ի միջև բանակցությունների համար հարթակ տրամադրելու համար։
Առաջիկա մի քանի օրվա ընթացքում ՌԴ նախագահը կզանգահարի Սաուդյան Արաբիայի թագաժառանգին՝ շնորհակալություն հայտնելու բանակցությունների համար։