Գերմանիայում գազամատակարարման հետ կապված իրավիճակն այժմ երաշխավորված է, սակայն իրավիճակը լարված է, եւ հետագա վատթարացումը չի կարելի բացառել, հայտարարել է երկրի ցանցի կարգավորիչըն այն բանից հետո, երբ ռուսական «Գազպրոմ»-ը երկարաձգեց դադարը «Հյուսիսային հոսք 1» գազատարի աշխատանքում, հայտնում է Reuters-ը։

«Ռուսական կողմի հայտարարած թերությունները տեխնիկական պատճառ չեն աշխատանքի դադարեցման համար»,- ասվում է գազային իրավիճակի վերաբերյալ կարգավորիչի ամենօրյա հաշվետվության մեջ։

Հիշեցնենք, որ ավելի վաղ ռուսական «Գազպրոմ»-ը հայտարարել էր «Հյուսիսային հոսք» գազատարի ամբողջական դադարեցման մասին։

Ընկերության տվյալներով՝ «Հյուսիսային հոսք»-ի միակ աշխատանքային տուրբինի սպասարկման մեջ անսարքություններ են հայտնաբերել, եւ գազատարը առանց դրանք շտկելու չի աշխատի։

Ընդ որում, «Գազպրոմ»-ի խորհրդի նախագահ Ալեքսեյ Միլլերը նշել է, որ «Հյուսիսային հոսք»-ի տուրբինների գործարանային վերանորոգումն անհնար է պատժամիջոցների պատճառով. Siemens ընկերությունն պարզապես տեղ չունի այդ աշխատանքներն իրականացնելու համար»,- հայտարարել է Միլլերը։