Հոնկոնգի իշխանությունները մտադիր են 254 միլիոն դոլար արժողությամբ 500 հազար անվճար տոմս տրամադրել զբոսաշրջությանն աջակցելու համար։ Ակցիան նախատեսված է հաջորդ տարվա սկզբին, այն բանից հետո, երբ քաղաքը վերջապես կհանի կորոնավիրուսի հետ կապված բոլոր սահմանափակումները, հինգշաբթի հաղորդում է South China Morning Post-ը։

«Բարև Հոնգ Կոնգ» նախաձեռնության մասին հանրությանը հայտնել են փետրվարի 2-ին, սակայն այն մշակվում է ավելի քան երկու տարի:

Տոմսերը կբաշխվեն քաղաքի երեք ավիաընկերությունների՝ Cathay Pacific-ի, HK Express-ի և Hongkong Airlines-ի միջև:

Ինքնաթիռի անվճար տոմսերը միայն ներգնա զբոսաշրջիկների համար չեն, դրանց մի մասը կտրամադրվի արտագնա ճանապարհորդներին, իսկ մի մասը կբաշխվի տուրիստական ​​գործակալների միջոցով։ Մինչ համաճարակը Հոնկոնգը համարվում էր աշխարհի ամենաշատ այցելվող քաղաքներից մեկը, 2019 թվականին այն այցելել է 56 միլիոն զբոսաշրջիկ։ Այս տարվա առաջին ութ ամիսներին այս ցուցանիշը կազմել է ընդամենը 184 հազար մարդ։

Այն մարդիկ, ովքեր ցանկանում են ուղևորվել Հոնկոնգ, կարող են այցելել World of Winners (Հաղթողների աշխարհ) էջը մարտի 1-ից և չվերթի տոմսերի վիճակախաղում մուտքագրեն իրենց անունները:

Տոմսերը կտրամադրվեն երեք փուլով՝ մարտի 1-ից Հարավարևելյան Ասիայի բնակիչներին, ապրիլի 1-ից մայրցամաքային Չինաստանի և մայիսի 1-ից աշխարհի մնացած հատվածի բնակիչներին։