Անդրադառնալով բյուջեի որակական կողմին, հնչեցնում էիք գնահատականներ, որոնք, մեղմ ասած, իրականության հետ աղերսներ չունեն։ Քանի՞ հազար կմ ճանապարհ թողեցինք թշնամուն։ Ի՞նչ կյանքի որակի մասին եք խոսում։ Ասում եք՝ ընդդիմությունը աղավաղում է թվերը, բյուջեի նախագծում 10 միլիարդ թիվ է գրված, ասում եք դա չի թիվը, բա ինչքա՞ն է։ Այս հարցը ԱԺ նիստի ժամանակ «Հայաստան» խմբակցության պատգամավոր Արծվիկ Մինասյանն ուղղեց ԱԺ տնտեսական հարցերի մշտական հանձնաժողովի փոխնախագահ Բաբկեն Թունյանին։
«Արցախի Հանրապետությունը բավականին նպաստել է ՀՀ տնտեսական աճին։ Դուք ամեն օր երթևեկում եք Երևանում, իսկ գո՞հ եք Երևանի ճանապարհների վերանորոգումից կամ չվերանորոգված, քանդված ճանապարհներից»,- հարցրեց Մինասյանը։
«Լավ շանս ունեիք մասնակցելու Երևանի քաղաքապետի ընտրություններին ու ձեր ծրագիրը ներկայացնելու։ Եթե էլի կորցրած տարածքների մասին եք խոսելու, էլ մյուս հարցերն ինչո՞ւ եք տալիս։ Այո՛, բյուջեի աճն ուղիղ կապված է մեր անվտանգության հետ։ Ու պաշտպանության բյուջեն լավագույն ապացույցն է։ 10 միլիարդը պայմանական թիվ է»,- արձագանքեց Թունյանը։
Մանրամասները՝ տեսանյությում