MediaHub-ը շարունակում է ներկայացնել ՀՀ Ազգային Ժողովի պատգամավորների հայտարարագրերը՝ կանխիկ դրամական միջոցների մասով:

Նախօրեին ներկայացրեցինք հինգ պատգամավորների, որոնք հայտարարագրել են միլիարդավոր և միլիոնավոր կանխիկ միջոցներ: Առաջին հորիզոնականում ՔՊ խմբակցության պատգամավոր Խաչատուր Սուքիասյանն է՝ նա հայտարարագրել է  4 մլրդ 758 մլն 321 հազար 230 դրամ: 

Այսօրվա մեր հերոսներն այն երեսփոխաններն են, որոնք հայտարարագրել են մեկ միլիոն դրամից պակաս կանխիկ դրամական միջոցներ:

Եվ այսպես,  107 պատգամավորներից 16-ը հայտարարագրել են մինչև 500 հազար դրամ: Նրանք են՝ Մարիա Կարապետյան, Արման Եղոյան, Լիլիթ Ստեփանյան, Տաթևիկ Գասպարյան, Արմենուհի Կյուրեղյան, Էդուարդ Աղաջանյան, Արթուր Հովհաննիսյան, Զեմֆիրա Միրզոեւա, Արուսյակ Մանավազյան, Հրաչյա Հակոբյան, Արփինե Դավոյան, Գայանե Եղիազարյան, Արծվիկ Մինասյան, Վիլեն Գաբրիելյան, Ալխազ Ղազարյան, Գևորգ Պապոյան: Այս պատգամավորներից 12-ը «Քաղաքացիական պայմանագիր» կուսակցության պատգամավորներ են, 3-ը՝ «Հայաստան» խմբակցության: 

ՔՊ-ական Մարիա Կարապետյանը, ի դեպ, հայտարարագրել է ընդամենը 30 հազար դրամ կանխիկ միջոց:

Պատգամավորներից 7-ը հայտարարագրել են 500 հազարից մինչև 1 մլն դրամ՝ Գուրգեն Արսենյան, Մաթեւոս Ասատրյան, Կարեն Սարուխանյան, Վլադիմիր Վարդանյան, Տիգրան Աբրահամյան, Հովիկ Աղազարյան, Էլինար Վարդանյան: Այս պատգամավորներից 5-ը «Քաղաքացիական պայմանագիր» խմբակցությունից են, 1-ը՝ «Հայաստան», 1-ը՝ «Պատիվ ունեմ» խմբակցություններից: