ԱՄՆ նախկին նախագահ Դոնալդ Թրամփին մեղադրանք է առաջադրվել 37 կետով։ Նրան կարող է սպառնալ հսկայական դատավճիռ․ հայտնում է CNN-ը։

Դոնալդ Թրամփը գաղտնի պետական ​​փաստաթղթեր է պահել իր կալվածքում, ուր այցելել են հազարավոր հյուրեր։ Փաստաթղթերը պարունակում էին տեղեկություններ ԱՄՆ միջուկային ծրագրի և պաշտպանական հնարավորությունների մասին։

Դատախազությունը նշում է, որ «այդ գաղտնի փաստաթղթերի չարտոնված բացահայտումը կարող է վտանգել ԱՄՆ-ի ազգային անվտանգությունը, միջազգային հարաբերությունները, ԱՄՆ բանակի անվտանգությունը, մարդկային աղբյուրները և հետախուզության հավաքման զգայուն մեթոդների կենսունակությունը»: