Առնվազն 17 մարդ է զոհվել Կենտրոնական Եվրոպայում «Բորիս» փոթորկի հետևանքով. հայտնում է CNN-ը։
Չեխիայում անցած շաբաթավերջին առնվազն քառորդ միլիոն տնային տնտեսություն մնացել է առանց էլեկտրականության։
Լեհաստանի կառավարությունը երկուշաբթի օրը բնական աղետ է հայտարարել ջրհեղեղից տուժած վայրերում՝ հիմնականում Չեխիայի հետ սահմանին՝ Լեհաստանի հարավ-արևմուտքում: Այնտեղ մի քանի ջրամբարներ են կոտրվել։
Ռումինիայում ջրհեղեղից ամենաշատը տուժել է Գալաթի շրջանը, որը գտնվում է Մոլդովայի սահմանի մոտ։ Որոշ գյուղերում ջրի բարձրությունը հասել է մինչև մեկուկես մետրի։ Մի քանի հազար տներ լրջորեն վնասվել են։ Հարյուրավոր մարդիկ լքել են իրենց տները և տեղափոխվել հանրակացարաններ կամ ժամանակավոր ճամբարներ:
Ավստրիայում Դանուբի վտակ Տրաիզեն գետի մոտ 25 հազար բնակչություն ունեցող Լիլիենֆելդ քաղաքը մնում է կտրված արտաքին աշխարհից։ Ավստրիան հայտնում է նաև մի քանի վնասված ամբարտակների մասին: Ջուրը բարձրացել է նաև Վիեննայում, որտեղ մետրոյի որոշ գծեր փակ են։
Հունգարիան պատրաստվում է պոտենցիալ ջրհեղեղի. Բուդապեշտում Դանուբի ափերն ամրացված են ավազի պարկերով։
Տեսանյութը՝ այստեղ