«Հայաստան» խմբակցության պատգամավոր Գառնիկ Դանիելյանը ԱԺ-Կառավարություն հարցուպատասխանի ժամանակ հարց ուղղեց Լարսի անցակետում բեռնափոխադրող ընկերությունների առաջ ծառացած խնդիրների մասին։
Նա, մասնավորապես, ասաց, որ իրեն դիմել են բազմաթիվ բեռնափոխադրողներ, ահազանգելով, որ դեռևս նոյեմբերից Վերին Լարսի անցակետի վրացական կողմը նոր սահմանափակումներ է կիրառում բեռնափոխադրողների նկատմամբ։ Հարցրեց՝ արդյո՞ք հայկական կողմը համագործակցում է վրացական կողմի հետ, սահմանափակումները վերացնելու նկատմամբ։
Պատասխանելով՝ էկոնոմիկայի նախարար Վահան Քերոբյանն ասաց, որ խոսել է բեռնափոխադրողների հետ, իրականում խնդիրն այդքան լուրջ չէ, և ընկերությունները կարող են հարմարվել։
«Գիտեք, որ տարբեր երկրներում տարբեր ստանդարտներ են փոխվում, նոր պայմաններ են առաջադրվում։ Մենք ավելի շատ խրախուսում ենք մեր գործընկերներին, արտահանողներին ու փոխադրողներին նաև դեպի այլ շուկաներ»։
Դանիելյանը հակադարձեց Քերոբյանին։
Մանրամասները՝ տեսանյութում