Որոտանում տասնյակ ադրբեջանցիների մեջ միայնակ հայտնված, բայց չհանձնված տղամարդն, ամենայն հավանականությամբ, Տարոն Հարությունի Անդրեասյանն է։ Այդ մասին MediaHub.am-ի հետ զրույցում ասաց Ադրբեջանում գտնվող հայ ռազմագերիների շահերի ներկայացուցիչ Սիրանուշ Սահակյանը՝ անդրադառնալով համացանցի հայկական տիրույթում վերջին օրերին ամենաքննարկված տեսանյութին։
«Համադրելով ձեռքի տակ եղած փաստերը, գույները, մեր ստացած տեղեկությունները, կարող ենք կարծել, որ տղան Տարոն Անդրեասյանն է։ Բայց, իհարկե, մենք 100% վստահություն չունենք այդ հարցում»,- ասաց Սահակյանը։
Նրա խոսքով՝ տղան համարվում է անհետ կորած, որի գերեվարումը, սակայն, ևս չի բացառվել, որովհետև զինակցից տեղեկություն է եղել, որ իրենք երկուսով են եղել։
Նարե Գնունի