Մեկ ժամից ավելի է, ինչ Կենտրոն վարչական շրջանի մի շարք հասցեներ հոսանքազրկված են։ Թե ինչո՞ւ՝ քաղաքացիները չեն կարողանում պարզել, քանի որ 1-80 հեռախոսահամարին պատասխանող չկա։
MediaHub.am-ը քաղաքացիների ահազանգերից հետո կապ հաստատեց ՀԷՑ լրատվական բաժին, որտեղից մեզ ասացին, որ բարձրավոլտ էլեկտրական ցանցերում վթար է եղել, որն այս պահին վերացված է։
«Հիմա աշխատանքներ են տարվում, որպեսզի էլեկտրաէներգիայի մատակարարումը վերականգնվի։ Մոտ կես ժամից արդեն կկարգավորվի խնդիրը»,- մեզ հետ զրույցում ասաց ՀԷՑ մամուլի խոսնակ Նատալյա Սարջանյանը։
Հարցին, թե ինչո՞ւ չի արձագանքում 1-80 հեռախոսահամարը, պատասխանը մեկն է՝ հազարավոր զանգեր են լինում նույն պահին, և ֆիզիկապես հնարավոր չի լինում արձագանքել բոլոր զանգերին։
Նարե Գնունի