Վերջին 10 տարիների ընթացքում խախտվեց Հայաստանի և Ադրբեջանի միջև փոխադարձ զսպման բալանսը։ Փաստացի, Ադրբեջանը գտնում էր, որ ստեղծված աշխարհաքաղաքական պայմանները ձեռնտու են իր ծրագրերը կյանքի կոչելու համար։ Այս մասին «Հարավային Կովկաս. կայունության և անվտանգության արդի մարտահրավերները» խորագրով գիտաժողովի ժամանակ հայտնեց իրանագետ Գոհար Իսկանդարյանը։
«2020թ-ին տարածաշրջանում ստեղծվեց ուժերի մի կենտրոնացում, որտեղ ինչպես տարածաշրջանային, այնպես էլ արտատարածաշրջանային երկրների շահերի կուտակում արձանագրվեց։ Վերջին երեսուն տարիների ընթացքում բոլորը փաստում էին, որ Արցախյան պատերազմը չունի ռազմական ճանապարհով լուծում: Այնուամենայնիվ, հենց նրանց աչքի առաջ և լուռ համաձայնության ներքո Ադրբեջանը, ստանալով Թուրքիայի և Իսրայելի լուրջ աջակցությունը, ռազմական ճանապարհով լուծեց այդ հարցը»,- ասաց նա, ապա հավելեց, որ Արցախով միջազգային թատերաբեմում վերահաստատվեց, որ կարևորը ուժի գործոնն է:
Մանրամասները՝ տեսանյութում