Շվեյցարիան միացել է Ռուսաստանի և Բելառուսի դեմ ԵՄ պատժամիջոցների 15-րդ փաթեթի ընդլայնված ցանկին, ասվում է երկրի Դաշնային խորհրդի կայքում տեղադրված հաղորդագրության մեջ։
«Տնտեսության, կրթության ու հետազոտությունների դաշնային դեպարտամենտը ընդլայնել է Ռուսաստանի և Բելառուսի դեմ պատժամիջոցների ցանկը։ Այսպիսով Շվեյցարիան ընդունել է ԵՄ-ի կողմից ընդունված փոփոխությունները… Այս փոփոխություններն ուժի մեջ կմտնեն 2024 թվականի դեկտեմբերի 24-ից»,- ասվում է փաստաթղթում, գրել է «ՌԻԱ Նովոստի»-ն։
Շվեյցարիան ավելացրել է 54 նոր ֆիզիկական անձ և 30 նոր ռուսական ընկերություններ և կազմակերպություններ ակտիվների սառեցման, Շվեյցարիա մուտքի կամ տարանցման արգելքի մեջ:
Պատժամիջոցների ենթակա 30 նոր ընկերություններն ու կազմակերպությունները ներառում են հիմնականում ռուսական սպառազինության, նաև Ռուսաստանից հում նավթ և նավթամթերք տեղափոխող բեռնափոխադրող ընկերություններ։