Ուկրաինայի զինված ուժերը մարտական ​​գոտիներում լազերային զենք են օգտագործում, այս մասին հայտարարել է Ուկրաինայի Զինված ուժերի անօդաչու համակարգերի ուժերի հրամանատար Յուրի Սուխարևսկին, հայտնում է ուկրաինական UNIAN հրատարակությունը։

«Այո, լազերային զենքերն արդեն հարվածում են որոշակի բարձրության օբյեկտներին»,- նշել է նա։

Անցյալ տարվա դեկտեմբերին Ուկրաինայի Զինված ուժերը հայտարարել են, որ Ուկրաինան աշխարհում հինգերորդ երկիրն է, որն ունի լազերային զենք, որը կարող է, ի թիվս այլ բաների, ինքնաթիռներ խոցել:

Նրա խոսքով՝ համապատասխան զենքը կոչվում է  «Тризуб»։

Միաժամանակ բրիտանական The Economist հրատարակությունը գրել է, որ Ուկրաինան մշակում է «Трембита» հրթիռը, որը կկարողանա թռչել Մոսկվա։

Հրատարակության տվյալներով՝ հրթիռի հիմնական մոդելը կկարողանա զարգացնել ժամում մինչև 400 կիլոմետր արագություն՝ 200 կիլոմետր թռիչքի հեռահարությամբ։ Միևնույն ժամանակ, ուկրաինական կողմը միաժամանակ ավելի հզոր տարբերակ է մշակում, որը կկարողանա թռչել Մոսկվա, նշել են հեղինակները։