«Հրապարակ» թերթը գրում է․
ԱԺ խորհրդի հաստատած օրակարգից կարելի է ենթադրել, որ այն հաշված ժամեր է տեւելու։ Օրակարգում ընդգրկված է ընդամենը 9 հարց, եւս 18 հարց էլ երկրորդ ընթերցման է ներկայացված: Առաջին ընթերցումն էլ երկար պրոցես չէ, բայց երկրորդը, որպես կանոն, մեկ-երկու րոպե է տեւում։ Ի դեպ, օրակարգ բերված ինը նախագծերից ութի հեղինակը կառավարությունն է, ընդամենը մեկ՝ հույժ կարեւոր նախագիծ է ներկայացված ՔՊ-ական պատգամավորների հեղինակությամբ։
«Հրապարակ» թերթը գրում է․
Հոկտեմբերի 21-ին «Դուրս ՀԱՊԿ-ից համախմբում» նախաձեռնող խումբը դիմում է հղել ԱԺ նախագահ Ալեն Սիմոնյանին` խորհրդարանական լսումներ կազմակերպելու առաջարկով: Թեման «ՀՀ անվտանգային հարցերն» են, մասնավորապես՝ ՀԱՊԿ կառույցից Հայաստանի դուրս գալու «հանրային պահանջի» քննարկումը։ Դիմումը հասցեագրվել է նաեւ ԱԺ արտաքին, պաշտպանության եւ անվտանգության, պետական-իրավական, տարածաշրջանային եւ եվրասիական ինտեգրման, մարդու իրավունքների պաշտպանության եւ հանրային հարցերի հանձնաժողովների ղեկավարներին։
«Հրապարակ» թերթը գրում է․
Այս իշխանությունը ոչ միայն վիճելի եւ աշխարհի շատ երկրներում մերժված օրենսդրական փոփոխություններ է իրականացնում, այդ թվում` ապօրինի ձեռք բերված գույքի բռնագանձման օրենք ընդունեց, այլեւ մարդու իրավունքները ոտնահարող սկզբունքներ է ուզում կիրառել:
Հակակոռուպցիոն կոմիտեի նախագահ Սասուն Խաչատրյանը երեկ հայտարարել է, որ պատրաստվում են դատաքննություններ իրականացնել` մեղադրյալների բացակայության պայմաններում:
«Հրապարակ» թերթը գրում է․
Ռուբեն Վարդանյանը վերջին օրերին ինտենսիվ հանդիպումներ է ունենում քաղաքական-հասարակական տարբեր շրջանակների հետ։ Նա առանձին հանդիպումներ է ունենում, այցելում է կառավարության ոլորտային պատասխանատուներին՝ նախարարներին, հանդիպում նախարարությունների ղեկավար կազմի հետ: Արցախի մեր աղբյուրները կարծում են, որ Վարդանյանը քննություն է վերցնում կառավարության անդամներից, որ հետագայում հասկանա՝ ում հետ է աշխատելու, ում է «կտրելու» եւ փոխելու: Իսկ որ փոփոխություններ լինելու են, դա հաստատ է։
«Փաստ» օրաթերթը գրում է.
«Փաստ» թերթն այս օրերին մարզերից տեղեկություններ է ստանում, որ տեղական իշխանությունները նոր գրոհ են նախաձեռնել հանրակրթական դպրոցների ուղղությամբ։ Ընդ որում, մեզ դիմողները նշում են, թե դա բացառապես քաղաքական ենթատեքստ ունի: Մեր ստացած տեղեկությունների համաձայն, վերջին շաբաթների ընթացքում մասնավորաբար Շիրակի, Լոռու, Տավուշի և Սյունիքի մարզերի մոտ երկու տասնյակ դպրոցներում ստուգումներ են անցկացվում։ Դրանք տարբեր բնույթի են՝ դպրոցավարությունից ու դասավանդման մեթոդիկայից սկսած՝ վերջացրած դպրոցական ճաշարանների մաքրությամբ։
Առաջին հայացքից ոչ մի տարօրինակ բան չկա, և կարծես հերթական ստուգման գործընթացի հետ գործ ունենք, սակայն հետաքրքիր է, որ խոսքը հատկապես այն դպրոցների մասին է, որոնց տնօրենները վերջին մրցույթներում, հակառակ իշխանությունների ջանքերի՝ անցկացնել «յուրային» թեկնածուի:
«Փաստ» օրաթերթը գրում է.
Մինչև տարեվերջ ՀՀ-ում գործող արևմտյան ֆինանսավորում ունեցող մի շարք միջազգային և տեղական կազմակերպությունների բավականին խոշոր ծավալի նոր դրամաշնորհային փաթեթ է սպասվում։ Խոսքը շուրջ 380 մլն դոլարի մասին է։Մեր աղբյուրների փոխանցմամբ, հիմա այդ կազմակերպություններում լրջորեն խառնված են իրար, թե ով ինչքան կարող է «պոկել»:
«Ժողովուրդ» օրաթերթը գրում է.
Քաղաքական իշխանությունը նախքան Կենտրոնական ընտրական հանձնաժողովի նոր կազմի ձևովորումը փոփոխել է «Ընտրական օրենսգիրքն» ու պարզեցրել ԿԸՀ անդամության պահանջները: «Ժողովուրդ» օրաթերթի տեղեկությունններով՝ իշխող «Քաղաքացիական պայմանագրի» այս քայլը, որ իրագործվել է ՔՊ-ական պատգամավոր Հերիքնազ Տիգրանյանի ու Արթուր Հովհաննիսյանի ձեռամբ՝ ԸՕ սահմանդրական օրենքում լրացումներ ու փոփոխություններ անելու նախագծի փաթեթով, ԿԸՀ նորընտիր անդամներին ապահովագրելու համար է արվել:
Օրինակ, եթե նախկինում ԿԸՀ անդամության համար իրավաբանական կրթություն ունենալը պարտադիր էր, ապա այժմ բավարար է ունենալ միայն բարձրագույն կրթություն: Կուսակցական շահը պետականից վեր է դասվել:
Նոր փոփոխությամբ պահպանվել են միայն «հրապարակային քաղաքական գործունեությամբ չի զբաղվելն» ու «բարձրագույն կրթություն» ունենալու դրույթները:
«Ժողովուրդ» օրաթերթը գրում է.
«Ժողովուրդ» օրաթերթի տեղեկությունների համաձայն՝ չի բացառվում, որ ՀՀ վարչապետ Նիկոլ Փաշինյանի ավտոշարասյան մասնակցությամբ տեղի ունեցած վթարի հետեւանքով մահացած հղի կնոջ` Սոնա Մնացականյանի դեպքով նոր քրեական վարույթ նախաձեռնվի, որը կապված լինի անհետացած ձայնագրությունների հետ:
Մեզ հասած տեղեկությունների համաձայն՝ անհետացած ձայնագրությունների մասով Գլխավոր դատախազություն բողոք է ներկայացվել, իսկ թե ներկայացված բողոքը կբավարարի, եւ նոր քրեական վարույթ կնախաձեռնվի, թե կմերժվի, կիմանանք՝ հետեւելով զարգացումներին:
«Ժողովուրդ» օրաթերթը գրում է.
ՀՀ քննչական կոմիտեի նախկին նախագահ Հայկ Գրիգորյանը ՀՀ գլխավոր դատախազությունից հետ է վերցրել իր՝ ՀՀ գլխավոր զինդատախազ դառնալու դիմումը. թեկնածուն միայն նա էր: «Ժողովուրդ» օրաթերթին հասած տեղեկությունների համաձայն՝ նա քաղաքական իշխանություններից նոր առաջարկ է ստացել եւ որոշել է գնալ Բարձրագույն դատական խորհուրդ, դառնալ ԲԴԽ անդամ:
Ի դեպ, «Քաղաքացիական պայմանագիր» խմբակցության ներսում բոլորը կողմ են եղել Հայկ Գրիգորյանի՝ ԲԴԽ անդամ դառնալու տարբերակին:
«Հրապարակ» թերթը գրում է․
Փարիզյան շրջագայությունից Աննա Հակոբյանը վերադարձել է շաբաթ օրը` երեկոյան ուշ ժամի, «Էյր Ֆրանսի» Փարիզ-Երեւան AF 1060 չվերթի օդանավով։ Նրա հետ նույն օդանավով վերադարձած ուղեւորներից մեկը մեզ պատմեց, որ ինքնաթիռում վարչապետի կնոջն այնքան էլ ջերմ չեն ընդունել։
Ուղեւորների աչքից չի վրիպել այն, որ նույն օդանավով Փարիզից Երեւան վերադառնալիս է եղել նաեւ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը, ով նստած է եղել բիզնես-դասում, իսկ Աննա Հակոբյանը` իր բազմամարդ շքախմբով, տեղավորվել է էկոնոմ-դասում։
Մեր զրուցակիցը նկատել է, թե ինչպես է Աննա Հակոբյանն օդանավ բարձրանալով անցել Հայկ Կոնջորյանի մոտով եւ «ֆշշացրել» Կոնջորյանի հասցեին: Երեւի այն պատճառով, որ ինքը ստիպված է էկոնոմ-դասով թռչել, որովհետեւ հանրային պարսավանքից է խուսափում, իսկ «ինչ-որ մի ճ կլասի պատգամավոր» բիզնես-դասով է ճամփորդում։
«Իրավունք» թերթը գրում է.
«Ռուսաստանի հայերի միության նախագահ Արա Աբրահամյանը Հայաստանում անցկացրեց իր հիմնադրած «Արարատյան ալյանս» մտքի կենտրոնի համաժողովը: Վերջին նիստը մտադիր էր անցկացնել Գիտությունների ազգային ակադեմիայում, սակայն այն տեղափոխվեց այլ վայր: Թե ինչո՞ւ, Արա Աբրահամյանը փակագծեր բացեց:
Պարզվում է` ԳԱԱ-ից ասել են, որ «վերեւից» արգելել են, ինչքան «վերեւից»` ակադեմիայում չեն հստակեցրել»: