Մայիսի 25-ին արտակարգ իրավիճակ է ստեղծվել նաև Լոռու մարզի Տաշիր քաղաքում:
Ինչպես հայտնում է ֆոտոլրագրող Գագիկ Շամշյանը, հորդառատ անձրևի պատճառով Տաշիր քաղաքը նույնպես ողողվել է ջրով ու այն մեծ անհարմարություններ է պատճառել բնակիչներին:
Շատ տեղերում անձրևաջրերը լցվել են մարդկանց տներ, շինություններ, առևտրի կենտրոններ և այլ օբյեկտներ:
Մարդիկ կեսգիշերից հետո գիշերել են դրսում ու չգիտեն, թե արդյոք Կառավարությունը օգնության ձեռք կմեկնի իրենց։