«Մենք պատրաստ ենք որքան հնարավոր է շուտ անցկացնել Ադրբեջանի, Հայաստանի և Ռուսաստանի արտգործնախարարների հետաձգված եռակողմ հանդիպումը, հիմա ամեն ինչ կախված է հակառակ կողմից». այդ մասին լրագրողներին հայտնել է Ադրբեջանի ԱԳ նախարար Ջեյհուն Բայրամովը։
Նրա խոսքով, հայկական կողմի հանդիպումից հրաժարվելը անպատասխանատվության վառ օրինակ է.
«Վերջին օրերին մենք տեսնում ենք մանիպուլյատիվ քաղաքականություն Հայաստանի կողմից, հորդորում ենք խուսափել սխալ դիրքորոշումից։ Խաղաղության օրակարգի խթանումը միշտ եղել է Ադրբեջանի նախաձեռնությունը, և մեր բոլոր հիմնարար սկզբունքները ներկայացված են Հայաստանին», - հավելեց Բայրամովը։