ՀՀ գլխավոր ռազմավարական գործընկեր ՌԴ–ի ուշադրությունը կենտրոնացած է Ուկրաինայի վրա, և մտավախություն կա, որ դա կարող է բերել ապակայունացման Լեռնային Ղարաբաղում: Այս մասին Վլադիվոստոկում ընթացող Արևելյան տնտեսական 7-րդ համաժողովի ամբիոնից ելույթի ժամանակ հայտարարեց ՀՀ վարչապետ Նիկոլ Փաշինյանը:
Նրա խոսքով, այսօր դժվար ժամանակներ ենք ապրում և այս արտահայտությունն այսօր ամենաշատն է գործածվում։
«Իսկ ե՞րբ են հեշտ ժամանակներ եղել։ Եթե անկեղծ լինենք, մարդկության պատմությունը դժվարություններից բաղկացած շղթա է, դրա համար էլ մարդկությունը հնարել է մի բանաձև, որ ճգնաժամային իրավիճակում բերում է նոր մարտահրավերներ ու բացում նոր հնարավորություններ», - ասաց Փաշինյանը: Նրա խոսքով, ղեկավարների խնդիրն է այսօր ճիշտ կառավարել ճգնաժամերն ու ճիշտ օգտագործել հնարավորությունները։
Անդրադառնալով մեր տարածաշրջանին, Փաշինյանն ասաց, որ Հարավային Կովկասի համար էլ այսօր դժվարին ժամանակներ են:
«Ամբողջ աշխարհի, այդ թվում` ՀՀ գլխավոր ռազմավարական գործընկեր ՌԴ–ի ուշադրութունը կենտրոնացած է Ուկրաինայի վրա, և մտավախություն կա, որ դա կարող է բերել ապակայունացման Լեռնային Ղարաբաղում», - հավելել է նա։
Մանրամասները՝ տեսանյութում