Հունվարի 10-ին Արմեն Փամբուխչյանի գլխավորությամբ տեղի է ունեցել խորհրդակցություն, որին մասնակցել են ԱԻ նախարարության բոլոր ստորաբաժանումների ղեկավարները:
"Տարին գերատեսչության համար սկսվել է փոփոխություններով՝ Ներքին գործերի նախարարության կազմավորման մեկնարկով և ըստ օրենսդրական փաթեթի գործընթացն առաջ է գնում։
Շնորհավորել եմ ԱԻ նախարարի արդեն նախկին տեղակալ Դավիթ Համբարյանին Ներքին գործերի նախարարի տեղակալի պաշտոնում նշանակվելու առթիվ և վստահություն հայտնել, որ Դ. Համբարյանի փորձը կնպաստի ՆԳՆ-ի ձևավորմանը և կայացմանը:
Բացի այդ շնորհակալություն եմ հայտնել փրկարար ծառայության տնօրենի պաշտոնից ազատման դիմում ներկայացրած Արմեն Գասպարյանին անձնվիրաբար ծառայության և արդյունավետ աշխատանքի համար։
Մինչև ԱԻ նախարարության գործունեության ավարտը ընթացիկ աշխատանքները շարունակվելու են նույն ինտենսիվությամբ իրականացվել։
Խորհրդակցության ավարտին ընդգծել եմ, որ հավատարիմ եմ մնում քաղաքական թիմի սկզբունքներին և կանեմ հնարավոր ամեն բան համակարգի կայացմանը նպաստելու համար",- գրել է իր էջում Փամբուխչյանը:
Նշենք, որ այս պահի դրությամբ նրա ապագան մշուշոտ է և պարզ չէ, թե ինքը ի՞նչ պաշտոնի կնշանակվի... եթե նշանակվի, իհարկե: