ՌԴ նախագահ Վլադիմիր Պուտինի Թուրքիա այցի նախապատրաստական աշխատանքները շարունակվում են, ամսաթիվը դեռ որոշված չէ, RIA Novosti-ին հայտնել է ՌԴ նախագահի մամուլի քարտուղար Դմիտրի Պեսկովը։
Հուլիսի սկզբին Թուրքիայի առաջնորդ Ռեջեփ Թայիփ Էրդողանի գրասենյակը նույնպես հայտարարեց, որ այցի կոնկրետ ժամկետ դեռ որոշված չէ։ Ինքը՝ Էրդողանը, ասել է, որ Պուտինի այցը Թուրքիա կարող է նոր գործընթացի սկիզբ լինել Թուրքիայի և Սիրիայի միջև հարաբերությունների կարգավորման համար։ Նշենք, որ այսօրը Պուտինը Կրեմլում ընդունել է Սիրիայի նախագահ Բաշար ալ-Ասադին։
«Ակտիվ է, բայց ամսաթիվը դեռ անհայտ է», - ասել է Պեսկովը՝ պատասխանելով հարցին, թե ինչպես են ընթանում այցի նախապատրաստական աշխատանքները։