Մերձմոսկովյան Կուբինկայում 23-ամյա երիտասարդ է բերման ենթարկվել, ով դանակով սպանել է 53-ամյա հորը՝ հոգնած նրա հարբած չարաճճիություններից։ Այս մասին հաղորդել է «МК срочные новости» Telegram ալիքը։
Ալիքի տեղեկություններով՝ կոնֆլիկտը հրահրել է հայրը։ Երիտասարդի ծնողները մի քանի տարի առաջ ամուսնալուծվել են, սակայն հայրը շարունակել է հարբած վիճակում ճնշել որդուն ու նախկին կնոջը։ Երեքշաբթի օրը նա կրկին հարբած վիճակում եկել է ընտանիքի մոտ և իր հետ մեկ շիշ օղի է բերել։
Երիտասարդը հրաժարվել է նրան ներս թողնել, սակայն տղամարդը ներխուժել է բնակարան։ Հետո նրանց միջեւ ծեծկռտուք է սկսվել։ Որդին հորը վախեցնելու համար դանակ է վերցրել, սակայն վերջինս բռունցքներով հարձակվել է նրա վրա, ինչի արդյունքում դանակի մի քանի վնասվածքներ է ստացել պարանոցի եւ կրծքավանդակի հատվածում։
Տուժածը ստացած վնասվածքներից ողջ չի մնացել։ Որդին շտապօգնություն է կանչել, իսկ հետո կատարվածի մասին SMS ուղարկել՝ պատմելով մորը։ Նա աշխատանքի վայրում է եղել։