ՀՀ նախկին վարչապետ Հովիկ Աբրահամյանի որդին՝ ԱԺ նախկին պատգամավոր Արգամ Աբրահամյանը 3 միլիոն դրամ նվիրատվություն է արել զոհված զինծառայողի անվան բարեգործական հիմնադրամին։ Նա այդ մասին հայտնում է իր ֆեյսբուքյան էջում։
«Յուրաքանչյուրիս պարտքն է վառ պահել մեր հերոս տղերքի հիշատակը,որոնց կյանքի շնորհիվ շարունակում է կանգուն մնալ մեր պետականությունը։Մխչյան գյուղի բնակիչ Տարոն Անդրեասյանի սխրագործության մասին խոսում են ոչ միայն մեր երկրում, այլև երկրի սահմաններից դուրս։ Տարոնը այն տղերքից մեկն էր,ով մեկնեց պատերազմի դաշտ առանց վարանելու։ Որպես ՀՀ քաղաքացի և մեր հերոս եղբոր համագյուղացի,ցանկանում եմ իմ նվիրատվությունը կատարել «Տարոն Անդրեասյան» բարեգործական հիմնադրամին 3,000,000 ՀՀ դրամ ՝ Մխչյան գյուղում նրա անվամբ պուրակի շինարարությանը օժանդակելու նպատակով», - գրել է նա։