Երեկ՝ մայիսի 11-ին, ավտովթար է տեղի ունեցել Սյունիքի մարզում։ Ժամը 23։30-ի սահմաններում Սյունիքի մարզի բնակիչ 30-ամյա Գևորգ Շ․-ն իր վարած VAZ 2106 մակնիշի ավտոմեքենայով Սիսիան-Գորիս ավտոճանապարհի 28 կմ հատվածում, դեռևս անհայտ հանգամանքներում, դուրս է եկել ճանապարհի երթևեկելի գոտուց և կողաշրջված վիճակում հայտնվել ձորում։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Գևորգ Շ․-ն մարմնական վնասվածքներով տեղափոխվել է «Գորիս» բժշկական կենտրոն։
Վթարի փաստով՝ քննչական բաժնում նախաձեռնվել է վարույթ։
Վիրավորը ՀՀ ՊՆ N զորամասի պայմանագրային զինծառայող է։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։