Բնական, թարմ աղացած սուրճը կարող է նվազեցնել քաղցկեղի որոշ տեսակների զարգացման ռիսկը։ Gazeta.Ru-ին պատմել է ուռուցքաբան և քիմիաթերապևտ Անտոն Իվանովը։
Ուռուցքաբանը նշել է, որ սուրճը կարող է մեղմել լյարդի, կրծքագեղձի և հաստ աղիքի քաղցկեղով հիվանդների հիվանդությունը։ Ավելին, օրական երկու բաժակ բնական, թարմ աղացած սուրճ խմելիս լյարդի ցիռոզի առաջացման վտանգը գրեթե կրկնակի կրճատվում է։
Բժիշկը բացատրել է, որ սուրճը պարունակում է բազմաթիվ կենսաբանական ակտիվ նյութեր և բուսական հակաօքսիդանտներ, որոնք պաշտպանում են լյարդը և ունեն հակաբորբոքային ազդեցություն։
«Սուրճի հիմնական մատերիալը՝ կոֆեինը, մետաբոլիզացվում է լյարդի ֆերմենտներով և ուժեղացնում է լյարդի դետոքսիկացումը»,- ասել է քիմիաթերապևտը։
Իվանովն ուշադրություն է հրավիրել այն փաստի վրա, որ սուրճի հետազոտությունները շարունակվում են, և գիտնականների շատ եզրակացություններ միանշանակ չեն: Ուստի նա հորդորել է խմել օրական երեք բաժակից ոչ ավելի՝ առողջությունը չվնասելու համար։