Ադրբեջանի արտգործնախարար Ջեյհուն Բայրամովն ընդունել է Ռուսաստանի ԱԳ նախարարի հայ-ադրբեջանական հարաբերությունների կարգավորման հարցերով հատուկ ներկայացուցիչ Իգոր Խովաևի հետ, հայտնում է Ադրբեջանի ԱԳՆ-ն։
Տեղեկատվության համաձայն՝ կողմերը քննարկել են հայ-ադրբեջանական հարաբերությունների կարգավորման գործընթացը, մտքեր են փոխանակել Ադրբեջանի և Ռուսաստանի երկկողմ օրակարգի, տարածաշրջանում տիրող իրավիճակի, այդ թվում՝ հայ-ադրբեջանական հարաբերությունների կարգավորման գործընթացի տարբեր ասպեկտների շուրջ, վստահության ամրապնդման միջոցառումներին ուղղված քայլերը, ինչպես նաև ապագա հեռանկարները:
Ընդգծվել է Ադրբեջանի, Հայաստանի և Ռուսաստանի ղեկավարների կողմից ստորագրված եռակողմ հայտարարությունների դրույթների, ինչպես նաև կարգավորման գործընթացի շրջանակներում ձեռք բերված պայմանավորվածությունների լիարժեք կատարման կարևորությունը տարածաշրջանում խաղաղության և անվտանգության ապահովման համար։
Հանդիպմանը քննարկվել են նաև երկկողմ հետաքրքրություն ներկայացնող այլ տարածաշրջանային հարցեր։