Երեկ՝ փետրվարի 21-ին, խոշոր ավտովթար է գտեղի ունեցել Երևանում։ Ժամը 22։00-ի սահմաններում Սեբաստիա և Տիչինա փողոցների խաչմերուկում՝ ժողովրդին հայտնի «Բանկի կռուգ»-ում, բախվել են Երևանի բնակիչ, 52-ամյա Վահագն Ա․-ի վարած Renault Logan մակնիշի, Կոտայքի մարզի բանակիչ, 47-ամյա Հրաչյա Ս․-ի վարած Mitsubishi Chariot մակնիշի և Երևանի բնակիչ, 45-ամյա Խաչատուր Խ․-ի վարած  Nissan rogue մակնիշի ավտմեքենաները։

Ինչպես հայտնում ֆոտոլրագրող Գագիկ Շամշյանը, վթարի հետևանքով վարորդներից Խաչատուր Խ․-ն այսօր՝ փետրվարի 22-ին՝ ժամը 01։00-ի սահմաններում, բժշկական օգնություն ստանալու նպատակով դիմել է «Աստղիկ» բժշկական կենտրոն։

Օպերատիվորեն դեպքի վայր են  ժամանել ՀՀ Ներքին գործերի նախարարության Փրկարար ծառայության Երևանի թիվ 7-րդ հրշեջ-փրկարարկան ջոկատից 1 մարտական հաշվարկ։

Հրշեջ-փրկարարները փակել են Renault Logan-ի գազաբալոնի փականը, հոսանքազրկել են ավտոմեքենաներն ու սահմանազատել տարածքը։

Օպերատիվորեն ժամանել են նաև «Գազպրոմ Արմենիա»-ի Երևանի ԳԳՄ-ի ծառայողները, քանի որ ավտոմեքենաներից մեկը դուրս է եկել երթևեկելի գոտուց, բախվել գազատար խողովակին, ինչից գազի արտահոսք է սկսվել։

Վթարի փաստով նախաձեռնվել է վարույթ։