ԱՄՆ-ը շահագրգռված է տարածաշրջանում կայունության ապահովմամբ, ստորագրված խաղաղության համաձայնագիրը վերջ կդնի երկարաժամկետ հակամարտությանը, ինչպես նաև կփոխի Ադրբեջանի և Հարավային Կովկասի դերը համաշխարհային մասշտաբով: Հաղորդել են ադրբեջանական լրատվամիջոցները՝ հղում անելով ԱՄՆ նախագահ Ջո Բայդենի նամակին, որն ընթերցվել է Caspian Oil & Gas 29-րդ միջազգային ցուցահանդեսի և Caspian Energy and Green Energy Caspian Power 12-րդ միջազգային ցուցահանդեսի բացման արարողության ժամանակ։
Բայդենն ասել է, որ ԱՄՆ-ն աջակցում է այս ուղղությամբ ջանքերին ու հավակնություններին՝ իր համաձայնությունը հայտնելով տարբեր սկզբունքների շուրջ ձեռք բերված պայմանավորվածությունների հետ։