Լոնդոնի Բրյունելի համալսարանի հոգեբան և դեմենցիայի հետազոտող Բայրոն Քրիզը հայտնաբերել է հիվանդության առաջին ախտանիշը, որը հաճախ ի հայտ է գալիս հիշողության կորստից և մտավոր անկումից առաջ: Գրել է Daily Express-ը։
Քրիզը նշել է, որ մարդիկ սովորաբար անհանգստանում ու դիմում են բժշկի, երբ հիշողության հետ կապված լուրջ խնդիրներ են առաջանում. մարդը մոռանում է տան ճանապարհը կամ չի հիշում մի քանի րոպե առաջ ավարտված խոսակցությունները:
Ըստ հոգեբանի՝ հաճախ հիվանդությունը նախ փոխում է մարդու տրամադրությունն ու վարքը, հետո միայն ազդում հիշողության վրա։
«Կարևոր է հետևել վարքագծային փոփոխություններին, ինչպիսիք են գրգռվածությունը, ագրեսիան, դեպրեսիան, անհանգստությունը և ապատիան, նաև սոցիալական մեկուսացումը, սոցիալապես ոչ պատշաճ վարքագիծը, իմպուլսիվությունը և այլ քայլերը, որոնք անսովոր է մարդու համար»,- նշել է մասնագետը:
Քրիզը հավելել է, որ վարքագծային փոփոխությունները հաճախ նկատվում են Ալցհեյմերի հիվանդության դեպքում՝ դեմենցիայի ամենատարածված տեսակը:
Նրա խոսքով՝ հաճախ մարդն իր մեջ զգացմունքային ու մտավոր փոփոխություններ է զգում՝ պահպանելով մտքի հստակությունը։