Շահումով խաղերի համար իրենց քարտերով խաղադրույք անող մարդկանց նույնականացում, օրենքով նախատեսված կարգով արդեն իսկ իրականացվում է։ Արդյունքում՝ լիցենզավորված ընկերություններն ավելի շահեկան ու կարգավորված դաշտում հայտնվեցին, բայց խնդիրներ էլ առաջացան։ Այդ մասին ԱԺ այսօրվա նիստում ասաց ֆինանսների փոխնախարար Ավագ Ավանեսյանը։
Նրա խոսքով՝ գործում են բազմաթիվ կայքեր, որոնք շահումով խաղերի ծառայություն են մատուցում, բայց հարկ չեն վճարում, լիցենզավորված չեն։
«Հիմա առաջարկվում է, որ Կառավարությունը սահմանի կայքերի ցանկ, և դիմի մեր ինտերնետ փրովայդերներին, որ նրանք սահմանափակեն այդ կայքերի գործունեությունը։ Շահումով խաղերի ոլորտը պետք է լինի թափանցիկ։ Մենք սահմանում ենք աուդիտի պահանջ, որ ավելի վստահ լինենք՝ ֆինանսական հաշվետվությունները ճիշտ են»,- նկատեց նա։
Մանրամասները՝ տեսանյութում։