Որոշակի հույսեր կան նաև հումանիտար իրադրության բարելավման վերաբերյալ: Չի բացառվում, որ այսօր հումանիտար աջակցության ավելի մեծ խմբաքանակներ մտնեն ԼՂ: Ավելի մանրամասն չեմ կարող ասել այս պահին, քանի որ կան որոշակի պայմանավորվածություններ, որոնց իրագործումն այս պահին պետք է մեկնարկի․ այս մասին այսօր Կառավարության նիստի ժամանակ հայտարարել է Նիկոլ Փաշինյանը՝ անդրադառնալով Լեռնային Ղարաբաղում տիրող հումանիտար իրավիճակին։
«Իսկ կմեկնարկի, թե ոչ՝ չեմ կարող ասել»,- նշեց նա:
Փաշինյանը նաև անդրադարձավ Արցախի բնակիչների կեցության վայրին՝ նշելով, որ Արցախի բնակավայրերի բնակիչները կարող են հնարավորություն ստանալ իրենց տները վերադառնալու։