Նիկոլ Փաշինյանը միայնակ չի կարող բռնապետություն հաստատել, եթե նրան չաջակցեն տարբեր պաշտոնյաներ, պատգամավորներ, իշխանության հաստիքային ու արտահաստիքային հաճախորդներ։
«Բռնապետության դեմքը» խորագրի այսօրվա «հերոսը» ՆԳ նախարար Վահե Ղազարյանն է, ով հատել է բոլոր բարոյական գծերը:
Ստալինի հետքերով
1938թ. բոլշևիկների կառավարությունը Ամենայն Հայոց Խորեն Մուրադբեկյան հայրապետին խեղդամահ արեց։ Դա ստալինյան ռեպրեսիաների շրջանն էր: Դրանից հետո՝ նույնիսկ կոմունիստական շրջանում, առավել ևս՝ Երրորդ հանրապետության տարիներին, Մայր Աթոռի դեմ նման ոտնձգություն չի եղել:
Թվում էր՝ դժոխային այդ ժամանակներն անցել են, բայց երեկ Սարդարապատում փաստորեն վերակենդանացվեցին ստալինյան բարքերը:
Ղազարյանը պետք է պաշտոնանկ արվի
Պարզ է՝ Սարդարապատի երեկվա խայտառակության «ճարտարապետը» Նիկոլ Փաշինյանն էր, բայց անմիջական կատարողը ՆԳ նախարար Վահե Ղազարյանն էր, որի ղեկավարած գերատեսչության ծառայողներն իրենց պահում էին սովորական խուլիգանի, խուժանի պես: Վահե Ղազարյանի պաշտոնանկության պահանջը պետք է լիներ խորհրդարանական ընդդիմության այսօրվա օրակարգի առանցքը: Ցավոք, մինչ այս պահը նման նախաձեռնության մասին ոչինչ հայտնի չէ:
Վահրամ Բագրատյան