Ամերիկացի զինվորականները աշխարհում հակամարտությունների ինտենսիվությունն աճի ֆոնին կարող են բախվել զենիթային հրթիռների պակասի խնդրին, գրել է «The Wall Street Journal»-ը (WSJ):
Թերթի աղբյուրներն ու վերլուծաբանները խոսել են արտադրության ընդլայնման դժվարությունների մասին։
Որպես օրինակ բերված են ստանդարտ «նավ-օդ» հրթիռները: Ամերիկյան զորքերը դրանք օգտագործում են Իսրայելին Իրանի հրթիռային հարձակումներից և Կարմիր ծովում նավերի վրա հութիների հարձակումներից պաշտպանելու համար: Ենթադրվում է, որ 2023 թվականի հոկտեմբերին Իսրայելի և ՀԱՄԱՍ-ի միջև պատերազմի սկսվելուց ի վեր Միացյալ Նահանգներն արձակել է ավելի քան 100 Standard արկ։ ԱՄՆ պաշտպանության նախարարությունը չի բացահայտում պաշարների մասին տեղեկությունը։
WSJ-ի աղբյուրների համաձայն՝ Պենտագոնը մտավախություն ունի, որ ավելի արագ կսպառի Standard-ի պաշարները, քան կարող է համալրել դրանք։ Սա ԱՄՆ-ին խոցելի է դարձնում Խաղաղ օվկիանոսում հնարավոր հակամարտության համար: Այնուամենայնիվ, արտադրության ընդլայնումը դժվար է եղել: Ընկերությունները հաճախ չեն ցանկանում ներդրումներ կատարել այս նպատակների համար, քանի դեռ Պենտագոնը չի պարտավորվել ավելի շատ զենք գնել:
Ստանդարտ հրթիռներ արտադրող RTX-ը կարող է տարեկան արտադրել առավելագույնը մի քանի հարյուր հրթիռ, ասել են աղբյուրները WSJ-ին: Սակայն Պենտագոնից բացի նման արկեր են գնում ԱՄՆ-ի առնվազն 14 դաշնակիցներ։