Այսօր կեսօրից հետո Վրաստանում ընդդիմության կողմնակիցները կրկին հավաքվել էին Թբիլիսիում բողոքի ցույցի։
Այս անգամ հանրահավաքի առիթ է հանդիսացել վարչապետ Իրակլի Կոբախիձեի հայտարարությունն այն մասին, որ Վրաստանը դադարեցնում է ԵՄ-ին անդամակցելու շուրջ բանակցությունները մինչև 2028 թվականի վերջ։
Ավելի ուշ բախումներ սկսվեցին ցուցարարների և ոստիկանների միջև։ Վրաստանի նախագահը ևս միացել է խորհրդարանի շենքի մոտ հավաքված ցուցարարներին։
Ցույցի ժամանակ վիրավորվել է ՆԳՆ աշխատակիցներից մեկը և տեղափոխվել հիվանդանոց։
«Չնայած ոստիկանների բազմաթիվ կոչերին՝ ուղղված հանրահավաքի մասնակիցներին՝ իրենց բողոքն արտահայտելու խաղաղ և օրենքով սահմանված նորմերը չգերազանցելու վերաբերյալ, հավաքվածներից ոմանք առերեսվել են իրավապահների հետ և վիրավորել նրանց»,- հայտնում են վարչությունից։
Այս պահին հատուկ նշանակության ջոկատայինները Ազատության հրապարակից սկսեցին շարժվել դեպի Ռուսթավելի պողոտա։ Խորհրդարանի շենքի ուղղությամբ են շարժվում նաեւ ջրցան մեքենաներ։
Ոստիկանությունը հատուկ միջոցներ է կիրառել ցուցարարների դեմ։
Թարմացումներին ավելի արագ կարող եք հետևել՝ այստեղ