Եվրոպացիները պարտավոր են կատարել Իսրայելի վարչապետ Բենյամին Նեթանյահուի դեմ Միջազգային քրեական դատարանի օրդերը, հակառակ դեպքում դա կլինի եվրոպական երկակի ստանդարտների դրսևորում։ Հայտարարել է Եվրոպական հանձնաժողովի փոխնախագահ, Եվրոպական միության արտաքին գործերի և անվտանգության քաղաքականության հարցերով Բարձր ներկայացուցիչ Ժոզեպ Բորրելլը։
Նա նշել է, որ ԵՄ անդամ երկրները մեծ աջակցություն ցուցաբերեցին, և երբ դատարանը որոշեց կալանավորել ՌԴ նախագահ Վլադիմիր Պուտինին, «շատերը ծափահարեցին, իսկ ոմանք այսօր լռում են»:
Բորրելլն ընդգծել է, որ Եվրամիության անդամ երկրները պարտավոր են կատարել դատարանի որոշումը։
Պաշտոնյան նաև շեշտել է, որ դատարանի որոշումը հակասեմականության հետ կապ չունի, և որ դա քաղաքական որոշում չէ։