Չնայած այն հանգամանքին, որ հայտնաբերման եւ բուժման ժամանակակից մեթոդների պայմաններում ժանտախտը մարդկության համար այդքան մեծ վտանգ չի ներկայացնում, գիտնականները շարունակում են ուսումնասիրել դրա երթը մոլորակով մեկ դար առաջ:
Հետազոտությունները նպատակ ունեն պարզել, թե որտեղից է հայտնվել եւ տարածվել ժանտախտի ցուպիկն ամբողջ աշխարհում: Վերլուծելով հնագույն մարդկանց մնացորդների տարբեր կտորներ՝ մասնագետներն անսպասելի բացահայտում են արել։ Պարզվում է՝ մոտ 3000 տարի առաջ այս հիվանդության երկու տարբեր շտամներ են եղել, հայտնում է Planet-today-ը։
Ընդ որում, տարբերությունը տարածման եղանակի մեջ է։ Ցուպիկի մի տեսակը կարող էր ապրել լվերի մարսողական համակարգում, իսկ մյուսը՝ ոչ։ Հետեւաբար, երկրորդի տարածողները հենց մարդիկ են եղել։ Սա կտրուկ փոխում է հիվանդության էվոլյուցիայի հանդեպ վերաբերմունքը:
Այժմ պետք է պարզել, թե որ պահին է ցուպիկը սովորել ապրել լվերի վրա, եւ ինչն է հանգեցրել դրան: Հայտնի չէ, թե որն է լինելու հաջորդ մուտացիան։ Ժանտախտի դեպքերը, թեեւ հազվադեպ են, սակայն շարունակում են գրանցվել աշխարհի շատ մասերում։ Մարդիկ վարակվում են հիվանդ կրծողների վատ եփած միս ուտելով։