44-օրյա պատերազմի ժամանակ մի խումբ անհետ կորած զինծառայողների ծնողներ, որոնք վաղ առավոտից գտնվում են Պաշտպանության նախարարությունում, շարունակում են մնալ շենքում և չեն պատրաստվում դուրս գալ այնտեղից, կգիշերեն այնտեղ՝ սպասելով Պապիկյանի հետ հանդիպմանը։

Նշենք, որ ծնողներին այսօր հրավիրել էին ՊՆ` նախարար Սուրեն Պապիկյանի հետ հանդիպման համար։ Սակայն նա նրանց չէր ընդունել։ Անհետ կորածների հարազատների հետ հանդիպել էր փոխնախարար Արման Սարգսյանը։ Պաշտոնյայի պատասխանները չեն գոհացրել հանդիպման մասնակիցներին։