BRICS ասոցիացիան պատրաստ է բացատրել ԱՄՆ նորընտիր նախագահ Դոնալդ Թրամփին, որ այն ոտնձգություն չի անում դոլարի նկատմամբ, այլ հետևություններ է անում Վաշինգտոնի սխալ քաղաքականությունից։ Այս մասին ՏԱՍՍ-ին ասել է ՌԴ փոխարտգործնախարար, BRICS-ում շերպա Սերգեյ Ռյաբկովը՝ ամփոփելով ասոցիացիայում Ռուսաստանի նախագահության արդյունքները։

«Մենք պատրաստ ենք բացատրել Թրամփին և որևէ մեկին, որ մենք ոտնձգություն չենք անում դոլարի նկատմամբ, մենք հետևություններ ենք անում այն ​​անպատասխանատու և սկզբունքորեն սխալ քաղաքականությունից, որն այս ոլորտում վարում էր Վաշինգտոնը, նաև պարոն Թրամփի առաջին վարչակազմը»,- ասել է բարձրաստիճան դիվանագետը, երբ նրան հարցրել են դոլարի գերակայության հետ կապված Թրամփի սպառնալիքի մասին:

Դասական գնահատականը, ըստ Ռյաբկովի, տվել է ՌԴ նախագահ Վլադիմիր Պուտինը՝ «Նրանք սղոցում են այն ճյուղը, որի վրա նստած են»։ «Այդպես է, երբ ԱՄՆ-ն իր և մյուսների համար ստեղծում է փակուղիներ, մենք ինքներս պետք է ելքի ստեղծենք»,- հավելել է փոխնախարարը։

Ավելի վաղ Թրամփը հայտարարել էր, որ BRICS երկրների ապրանքների համար 100% առևտրային մաքսատուրքեր կսահմանի, եթե նրանք նոր արժույթ ստեղծեն կամ հրաժարվեն դոլարից։