Ավելի քան 150 մարդ է ձերբակալվել Սենեգալում իրավապահների կողմից 2024 թվականի փետրվարի 25-ից դեկտեմբերի 15-ը նախագահական ընտրությունները հետաձգելու դեմ բողոքի ցույցերի ժամանակ. հայտնում է Seneweb պորտալը՝ հղում անելով աղբյուրին։
Ավելի վաղ Սենեգալի խորհրդարանը օրենք էր ընդունել 2024 թվականի փետրվարին նշանակված նախագահական ընտրությունները հետաձգելու մասին մինչև 2024 թվականի դեկտեմբերի 15-ը, ընդ որում ընդդիմադիր պատգամավորները քվեարկությունից առաջ բռնի ուժով հեռացվել էին պալատից:
«Ոստիկանությունն իր դերն է կատարել կարգուկանոնը պահպանելու գործում։ Այդ կապակցությամբ ցույցերի սկզբից ի վեր երկրում բերման է ենթարկվել 151 մարդ»,- գրում է պորտալը։
Պորտալի տվյալներով՝ Սենեգալի իրավապաշտպան կազմակերպությունները կոչ են արել երկրի կառավարությանը դադարեցնել համացանցի արգելափակումը, ինչը, նրանց կարծիքով, խախտում է սենեգալցիների՝ տեղեկատվության հասանելիության և ինքնարտահայտման իրավունքները։
Երկուշաբթի օրը Սենեգալի անվտանգության ուժերը արցունքաբեր գազ կիրառելով ցրել են խորհրդարանի շենքի մոտ տեղի ունեցած ցույցը։ Հանրահավաքը կազմակերպվել էր ընդդիմության կողմից՝ բողոքելով երկրում նախագահական ընտրությունների հետաձգման դեմ։ Կիրակի երեկոյան Սենեգալի կապի նախարարությունը դադարեցրել է բջջային ինտերնետի ծառայությունները՝ պատճառաբանելով «սոցիալական ցանցերում հրապարակված ատելությամբ լցված հաղորդագրությունները»։ Մայրաքաղաք Դաքարում ժամը 18.00-ից քաղաքացիների կողմից մոտոցիկլետ օգտագործելու ընդհանուր արգելք է մտցվել՝ բացառությամբ զինվորականների, իրավապահ մարմինների և բուժաշխատողների։